Әлия Назарбаеваға қарсы арыз Қаржы мониторинг агентігіне жіберілді

Бас прокуратура Қаржы мониторинг агенттігіне Әлия Назарбаева мен Конституциялық кеңестің бұрынғы төрағасы Валентина Рогованы рейдерлік жолмен құны 170 миллион доллар болатын бизнесті басып алды деп айыптаған кәсіпкердің мәлімдемесін жолдады.

Бұл туралы Tengrinews.kz сайтының ресми сауалына берген жауабында Бас прокуратура хабарлады.

«2024 жылғы 4 наурыздағы мәлімдеме Бас прокуратураның ақпараттық кітабына тіркеліп, процессуалдық шешім қабылдау үшін Қаржы мониторингі агенттігіне (ҚМА) жіберілгенін мәлімдейміз» деп хабарлады ведомство.

Еске салсақ, 28 ақпанда Астанада баспасөз мәслихаты өтіп, оның барысында кәсіпкер Нұрлан Бимурзин бірінші президент Нұрсұлтан Назарбаевтың кенже қызы Әлия Назарбаеваның (2003 жылғы есеп бойынша) құны 170 миллион доллар болатын жұмыс істеп тұрған бизнесін тартып алғанын мәлімдеді. Әңгіме жеті мұнай базасы мен 96 жанармай құю бекеті туралы болып отыр.

Нұрлан Бимурзин өз мәлімдемесінде 20 жыл бұрынғы оқиғаға да қатысы бар делінген Конституциялық кеңестің бұрынғы төрағасы Валентина Рогова туралы айтады.

«Біз арыз жаздық. Қазір тергеуге шақыруын күтіп отырмыз. Екеуінің де үстінен қылмыстық іс қозғалуын сұраймыз»,- деді кәсіпкер.