Ақтөбеден Алматыға шыққан ұшақ бортындағы жолаушы қаза тапты

Жолаушы әйел SCAT әуе компаниясының нөмірі 712-ші ұшағымен Ақтөбеден Алматыға бағыт алған. Алайда ұшақ әуеге көтерілгеннен кейін ол өзін жайсыз сезінген, деп хабарлайды Orda.kz. 

Әйелдің нашар жағдайы туралы экипажға хабар беріледі. Ұшақта денсаулығы нашарлаған азаматшаға бортсеріктер мен медициналық білімі бар жолаушылар, дәрігер-кардиолог алғашқы көмек көрсеткен. Ал ұшақ командирі қайта оралуға шешім қабылдағаны белгілі болды. 

Жансақтау шаралар әуе кемесі Ақтөбе әуежайына қонғанға дейін жалғасқаны анықталды. Кейін жергілікті 103 қызметтің өкілдері бортқа жедел көтеріліп, науқасқа қажетті көмек көрсеткен. Алайда әйел адам көз жұмды. 

Жолаушының нақты неден қайтыс болғаны әзірге белгісіз. DV712 бағытындағы ұшақ оқиғадан кейін Алматыға қайта ұшып шыққан. 

Айта кетейік, Германияда қаза тапқан қазақ әйелінің күйеуі мен енесіне іздеу жарияланды.