Ақтөбеде аутизммен ауыратын 13 жасар бала жоғалды

Бала аутизмге душар болған. Оны оншақты адам шұғыл түрде іздеп жатыр, іздеуге ізкесуші иттер де  қосылды. 

 Бұл туралы Диапазон хабарлайды.

13 жастағы Кәрім кеше Заречный-1 ауданындағы үйінен шығып кетіп, оралмаған.

Ондаған адам жасөспірімді түні бойы іздеді. Іздеу  жұмыстары әлі де жалғасуда. Олардың арасында еріктілер, полиция, Ұлттық ұлан, құтқарушылар бар.

«Бала аутизммен ауырғандықтан, бағдары бұзылған. Оның өзен бағытына қарай кеткені туралы мәліметтер бар, алайда нақты деректер жоқ. Бірақ, біз ең алдымен осы аумақтағы өзен, өзен сағасы, бұталар, ағаштардың жанынан іздестіріп жатырмыз»,-  деді «Зелло іздестіру» волонтеры Екатерина Голотина.

Қазір іздеу жұмыстары жалғасуда. Іздеуге полиция қызметкерлері, төтенше жағдайлар қызметкерлері, Ұлттық ұлан тартылып, ізкесуші иттер қатыстырылды.

Бағдар алған бойда біздің «Zello poisk» іздеу жүйелері сол жерге кетті. Біздің толық құрам кешеден бері іздеуде. Еріктілер бір-бірін ауыстырады. Баланың табыларына шынымен сенеміз.

Бала ұзын сұр футболка, қара шорты және ақ кроссовка киген.

Осы сипаттағы ұл баланы көрсеңіз, мына телефондарға хабарласыңыз: 102, 8 707 881 20 98