Ақтөбе шенеуніктері қоршаған ортаны қорғауға арналған миллиардтаған қаржыны үнемдеуге бел буды

Ақтөбе облысында қоршаған ортаны ластағаны үшін кәсіпорындардан алынған ақша басқа мақсатқа жұмсалған.

Прокуратура әкімдік тарапынан табиғатты қорғау шараларына қатысты заң бұзушылықтарды анықтады.

Заң бойынша әкімдіктер қоршаған ортаны жақсартуға үш жыл ішінде компаниялардан түсетін қаражаттан кем емес қаражат бөлуі керек. Мәселен, 2019-2021 жылдары бюджетке 25 миллиард теңге түссе, 2022-2024 жылдарға 23 миллиард теңге ғана қарастырылды.

Жоспар түзетіліп жатыр, қоршаған ортаны қорғауға бөлінетін сома 30 млрд теңгеге дейін ұлғайтылады деп уәде етілген. Кінәлі әкімдік қызметкерлері қатаң тәртіптік жауапкершілікке тартылды.