Ақтөбе полицейлері бейімдеу орталығынан қашып кеткен қыздарды тапты

Қашып кеткен 17 жастағы қыздар  жалдамалы пәтерден табылды.

Олар қазір полиция бөлімінде. Қыздардың «Аяла» орталығынан қашуға не себеп болғаны әлі нақтыланған жоқ.

Олардың қашып кеткені бір күн бұрын белгілі болды. 8 желтоқсанда шамамен сағат 23:40-та олар рұқсатсыз, тіпті сырт киімдерін де алмай, әлеуметтік бейімдеу орталығынан шығып кеткен.

Естеріңізге салсақ, Ақтөбедегі «Аяла» әлеуметтік бейімдеу орталығының үш тәрбиеленушісі туралы ақпаратты  волонтерлер таратты. Айтуларынша, 2006 жылы туған қыздар сырт киімсіз қашып кеткен.

05.06.2006 жылы туған Мырзакенова Манара Абайқызы, 2006 жылы туған Тезекбаева Әмина және 06.10.2006 жылы туған Досжанова Жұлдызай жоғалып кетті.

«Олар 8 желтоқсан күні сағат 23:40 шамасында «Аяла» орталығынан қашып кетті, әлі күнге дейін қайтып келген жоқ. Оар туралы ақпарат болса, 8-707-881-20-98 нөміріне жазыңыз немесе хабарласыңыз» делінген болатын хабарламада.