Ақтөбе облысында шикі мұнай өндіру заңсыз жүзеге асырылған

Ақтөбе облысында шикі мұнай өндіруді заңсыз жүзеге асырған «Сайгак Казахстан Б.В.» компаниясы филиалы Бас директорының орынбасары сотталды.

Бұған дейін қаржы мониторингі агенттігі 2022 жылғы ақпаннан 2023 жылғы мамырға дейінгі кезеңде компанияның филиалы "Сайгак" кен орнындағы келісімшарт шеңберінде шикі мұнай өндіргенін, ол уақытта келісімшарттың қолданылу мерзімі өтіп кеткенін анықтады.

Осы жағдайларға қарамастан, қатысы бар адамдар жыл бойы кен орнында заңсыз мұнай өндіріп және сақтап келген.

 2 резервуардағы жалпы көлемі 3,5 мың тонна болатын 139 млн теңгенің  өңделген мұнайы мемлекет кірісіне алынды.

«Кен орнын басқарған Бас директордың орынбасары 3,5 жылға бас бостандығынан айырылды. Залал толық көлемде өтелді» деп хабарлады ведомство.