Ақтөбе облысында ер адам әйелін өлтіріп, кейін өзіне қол салды

Ақтөбе қаласының маңынан ерлі-зайыптылардың денелері табылды, деп хабарлайды Orda.kz.

Екеуі де өткен күні із-түзсіз жоғалып кеткен. Жергілікті еріктілер оларды іздеуге көмек сұраған еді. 

Бүгін қала сыртынан ерлі-зайыптылардың мәйіті табылды. Алдын ала болжам бойынша, ер адам әйелін өлтіріп, кейін өзіне қол салған болуы мүмкін. «Орда» дереккөздерінің айтуынша, олардың артында бес бала қалды

«Әйелдің денесінен зорлық-зомбылық белгілері анықталды. Кейін күйеуі асылған күйде табылды. Оқиға орнында тергеушілер аумақты тексеріп, дәлелдер жинап, жұмыс істеп жатыр. Бірқатар сараптама тағайындалды, қылмыстық іс қозғалды»,  деп хабарлады полиция департаменті.

Бұған дейін, қыркүйекте, Түркістан облысында 45 жастағы ер адам қызғаныштан әйелін балғамен ұрып өлтірген соң өзіне-өзі қол салды. Таңертең олардың жансыз денелерін балалары тауып алған.