Ақтаулық блогер Антикорға қарсы сотта жеңіске жетті

Осы жылдың көктемінде Азамат Сәрсенбаевқа жала жабу бабымен әкімшілік іс қозғалған еді, деп хабарлайды Orda.kz.

Бұған блогердің Instagram парақшасындағы жазбасы себеп болған. Онда ол Ақтаудағы сыбайлас жемқорлыққа қарсы қызметтің бір өкілі сауда орталығы құрылысына «қамқорлық жасаған» болуы мүмкін деп мәлімдеген.

Сот Сәрсенбаевтың пайдасына шешім шығарды. Бұл туралы блогер Facebook парақшасында хабарлады:

«Мен әділ шешім шыққанына өте қуаныштымын. Бұл жағдайды пайдаланып, сот жүйесінің мемлекеттік органдарды сынға алғаны үшін адамдарды “жабуға” мүмкіндік беретін қауіпті прецедент қалыптастыруына жол бермедік!» деп жазды блогер.

Еске сала кетейік, блогер Азамат Сәрсенбаев Ақтаудағы әуе апаты маңайын дронмен түсіргені үшін 10 тәулікке әкімшілік қамауға алынды.