Ақтаудағы психиатриялық аурухананың наразы науқастары үндеу жариялады

Әлеуметтік желіде Психикалық денсаулық орталығының наркологиялық бөлімі пациенттерінің өтініші тарап кетті. Онда олар медициналық мекемедегі жағдайдың нашарлығынан аштық жариялағанын мәлімдеді, деп хабарлайды Orda.kz.

Бейнеүндеуде Психикалық денсаулық орталығының наркологиялық мәжбүрлеу бөлімінің пациенттері медициналық мекемедегі жағдайдың нашарлығына наразы болып, бес күннен бері аш жатқандарын мәлімдеді. Қандай жағдай туралы сөз болып отырғанын пациенттер өз өтініштерінде нақтыламады. Алайда олар қалыптасқан жағдайға облыс әкімдігінің, Қазақстан Президентінің және адам құқықтары жөніндегі уәкілдің назарын аударуды талап етті.