Ақтау теңіз портының президенті ұсталды

Ақтауда халықаралық теңіз портының президенті Абай Түрікпенбаев ұсталды, деп хабарлайды Orda.kz.

Порт президенті қамауға алынғаны жайлы ақпаратты бірнеше дереккөз растады. Оның ішінде құқық қорғау органдары да бар. Біздің мәліметімізше, Түрікпенбаев қазір тергеу изоляторында отыр. Оның ісі бойынша тергеуді ҰҚК қолға алған. Нақты қандай күдікке ілінгенін анықтау үшін, біз комитетке ресми сауал жолдадық. Әзірге жауап келмеді.

Мұнай өнімдеріне лық толған бұл кеме әлі де Ақтау портында тоқтатылып тұр. Әлеуметтік желілерде белсенділер «Мелиана» ісінің әдейі созылып жатқанын мәлімдеді. Өйткені істе билік органдарындағы тұлғалардың есімі аталады.

2025 жылдың қаңтарында Orda.kz тілшісі Маңғыстауда Абай Түрікпенбаевпен кездескенде, одан мұнай контрабандасы, соның ішінде «Мелиана» туралы сұрақ қойған. Алайда порт президенті бұл оқиғаны түсіндірмей, пікір білдіруден бас тартты.

Бүгін Ақтау теңіз портының баспасөз қызметі Түрікпенбаев жоқ кезде басқару міндетін Әмір Атамбаев атқаратынын хабарлады. Ол ««Ақтау халықаралық теңіз сауда порты» ҰК” АҚ басқарма төрағасының міндетін атқарушы болып тағайындалды.

Порт Каспий теңізінің шығыс жағалауында орналасқан, бірнеше халықаралық көлік дәліздерінің тоғысқан жерінде тұр. Бұл Иранға, Түркияға, Ресейге, Әзірбайжанға және Түрікменстанға құрғақ жүк, мұнай және мұнай өнімдерін үздіксіз тасымалдауға мүмкіндік береді.

Жыл сайын Ақтау порты арқылы 3,5 млн тоннадан астам мұнай жөнелтіледі. Порт арқылы Қазақстаннан мұнай ғана емес, астық, түсті металдар және басқа да тауарлар экспортталады.