Ақтау маңындағы апатқа ұшыраған Әзірбайжан ұшағына оқ жаудырғандар анықталды - БАҚ

Ақтау маңындағы ұшақ апатына қатысты Ресейде жүргізілген тергеу AZAL ұшағын қандай зымыран құлатып, кімдер оқ жаудырғанын анықтады, деп хабарлайды Orda.kz.

Caliber.az телеграм-арнасы өздерінің дереккөздеріне сүйене отырып, Ресейде жүргізіліп жатқан «Әзірбайжан Әуе Жолы» ұшағы апаты бойынша қылмыстық тергеуде әуе кемесінің «Панцирь С-1» ПВО жүйесімен атып түсірілгенін растады.

Бұл қондырғы Сириядан Ресейге жеткізілген. Сонымен қатар, Ресей тергеуі Әзірбайжан ұшағына қарсы электрондық күрес құралдары қолданылғанын және бұл ұшақтың басқару жүйесінің істен шығуына әкелгенін растады.

«Ресей тергеушілері тек ұшаққа оқ атуға бұйрық берген адамды ғана емес, сондай-ақ осы бұйрықты берген алғашқы тұлғаны да анықтады. Бұдан басқа, біздің редакциямызға бұл адамдардың есімдері мен лауазымдары белгілі, біз бұл ақпаратты оқырмандарымызбен қажетті уақытта бөлісеміз», деп жазылған Caliber.az телеграм арнасында.