АҚШ-тың мемлекеттік хатшысы Марко Рубио Қазақстанға келеді

АҚШ-тың мемлекеттік хатшысы Марко Рубио Орталық Азия елдеріне сапарға шығуды, соның ішінде Қазақстанға келуді жоспарлап отырғанын мәлімдеді, деп хабарлайды Orda.kz.

Рубио 6 қарашада Мемлекеттік департаментте 2026 жылы Қазақстан, Қырғызстан, Тәжікстан, Түрікменстан және Өзбекстан елдеріне іс-сапармен келетінін мәлімдеді.

«Мен келесі жылы осы бес елдің барлығына баруды жоспарлап отырмын. Сапар шамамен бір апта немесе одан да ұзаққа созылуы мүмкін», –деді Рубио. 

Мемлекеттік хатшының айтуынша, экономиканы дамыту, нарыққа қол жеткізу және табиғи ресурстарды игеру бағыттарында АҚШ пен аймақ елдерінің мүдделері сәйкес келеді. Рубио Вашингтонның екіжақты деңгейде де, С5+1 форматында да ынтымақтастықты кеңейтуге мүдделі екенін атап өтті.

Рубионың сөзінше, Орталық Азия елдері бұған дейін АҚШ-тың сыртқы саясатында жеткілікті назардан тыс қалып келген, алайда енді жағдай өзгереді.

«Бұл — үлкен мүмкіндік. Біздің ұлттық мүдделеріміз ұқсас, әсіресе экономикалық өсу мен тұрақты даму саласында сәйкеседі».

Марко Рубио америкалық компаниялардың Орталық Азияның табиғи ресурстарына деген қызығушылығы артып келе жатқанын да атап өтті:

«Егер сіздер елдеріңіздің байлығын экономиканы әртараптандыру үшін пайдаланғыларыңыз келсе, біз бұл үдерістің бір бөлігі болуға дайынбыз». 

Еске сала кетейік, Алматы қаласының прокурорлары жазасын пенитенциарлық мекемеде өтеп жатқан сотталған адамның және ҚР құзырлы органдарының қызметкерлерінің Америка Құрама Штаттарынан Алматыға заңсыз есірткі тасығанын анықтады.