АҚШ-та Google қызметкерлері наразылыққа шықты

Google қызметкерлері Сан-Франциско көшелерінде наразылық акциясын ұйымдастырды. Митингке 100-ге жуық адам қатысты.

Демонстранттар Google Cloud Next ғимаратының алдына жиналды. Наразылыққа компанияның Израиль үкіметімен келісім шарты себеп болған. Келісім мемлекеттік сектор мен елдің қарулы күштері үшін бұлттық қызметтерді ұсынуды қамтиды.

Митингке 100-ге жуық адам қатысты. Наразылық білдірушілердің айтуынша, бұлтты технологиялар палестиналықтарға қарсы, оның ішінде бақылау және нәсілдік сегрегация үшін қолданылады. Әзірге Google түсініктеме сұрауына жауап берген жоқ.

Еске салайық, бұған дейін Лос-Анджелесте 11 мыңнан астам қала жұмысшысы 24 сағаттық ереуілге шыққан болатын. Олардың арасында санитарлық қызметкерлер, құтқарушылар, механизаторлар бар. Олар еңбек заңнамасының сақталуын, тиісінше еңбек жағдайлары мен лайықты жалақының жақсаруын талап етеді.