АҚШ Сенаты Ереванды қолдап, Бакуге қарсы санкция салуды ұсынды

АҚШ Ереванға әскери көмек көрсетіп, Бакуге қарсы шаралар енгізуді көздеп отыр.

Сенаторлардың партияаралық тобы өз заң жобасында осыған қатысты ұсыныс енгізді.

Осылайша, Конгресс Арменияны АҚШ әскери көмек көрсете алатын елдер қатарына қосу туралы бастама көтерді. Америка Сенатының сайтында жарияланған құжатта «Таулы Қарабақ халқының қауіпсіздігін қамтамасыз ету стратегиясын» әзірлеу, сондай-ақ Ереванға әскери қаржыландыруға рұқсат беру ұсынылады.

Саясаткерлер сондай-ақ Әзірбайжанға қолдауды азайтуды ұсынып, «армяндарға қарсы әрекеттері үшін Ильхам Әлиев режиміне» қарсы санкция салуға шақырды.

Заң жобасын бес сенатор демеушілік етті, олардың төртеуі Демократиялық партияны, ал біреуі Республикалық партияны білдіреді.

Еске салайық, 19 қыркүйекте Әзірбайжан «антитеррорлық операция» жариялағаннан кейін Таулы Қарабақта қақтығыстың жаңадан өршуі басталды. Бір күннен кейін мойындалмаған СҚО билігі бейбіт келісімге қол жеткізілгенін хабарлады.