АҚШ Сауда министрлігінің сайты Қазақстанда «жалған ақпарат үшін» деген жазбамен бұғатталды

Уәкілетті орган бұйрығымен «Қасақана жалған ақпарат таратқаны үшін» АҚШ Сауда министрлігінің Өнеркәсіп және қауіпсіздік бюросының сайты бұғатталды.

Сайт бірнеше күннен бері жұмыс істемей тұр.

Бұған дейін сайт АҚШ Армения, Қырғызстан, Ресей және Беларусь елдеріндегі елуден астам компанияға шектеу қойғаны туралы ақпарат жарияған болатын. Оны басқа ақпарат құралдары көшірді. Америка билігінің айтуынша, тізімге енген компаниялар Ресейдің «әскери-қорғаныс кешеніне қолдау көрсеткендер». Біраз уақыттан кейін Қазақстанға Қазынашылық хатшысының көмекшісі Элизабет Розенберг, Сауда министрінің көмекшісі Мэттью Акселрод және Ұлыбританияның санкциялар бюросының директоры Дэвид Ридтің келгені туралы ақпарат жарияланды.

25 сәуірде олар Астанада кездесу өткізді. Ұлыбритания мен АҚШ реттеушілері Қазақстанды Ресейге санкцияланған тауарларды жеткізуден сақтандырғысы келді. Әйтпесе, кейбір қазақстандық банктер мен компанияларға санкция салуға уәде берілді. 

Кездесуде АҚШ шенеуніктері Қазақстаннан Ресейге тауарлардың (тұрмыстық техника мен автокөліктердің) қатарлас экспорты туралы бұрыннан білетінін ашық айтты.

Қазақстан қарудың құрамдас бөліктерін: жартылай өткізгіштер мен зымырандар мен ұшқышсыз ұшақтарға арналған микросұлбаларды сатып алу бабында күдікке ілінді. Бәлкім, тосқауыл қоюға сапардың осы танымдық бөлігі себеп болған шығар деген болжам бар.