Ақмола облысында терезеден құлаған әйел мен 7 айлық нәресте көз жұмды

Степногорск қаласында 23 жастағы әйел 7 айлық нәрестесімен 7-қабаттан құлап кетті. Өкінішке қарай, екеуі де қаза тапты, деп хабарлайды Orda.kz. 

Ақпаратты Ақмола облысының полиция департаменті растады.

Қайғылы жағдай марқұмның туыстарының пәтерінде болған. Полиция сотқа дейінгі тергеуді бастады.

Айта кетейік, 30 шілде күні Павлодар қаласында бір әйел бесінші қабаттағы пәтерінің терезесінен екі баласын лақтырып, артынан өзі де секіріп кеткен. Әйелдің бір жарым жастағы баласы көз жұмды.