Аққулардың жаппай қырылуынан кейін Rixos Aқтауға қатысты іс қозғалды

Аққулардың жаппай қырылуынан кейін Ақтаудағы Rixos қонақ үйіне қатысты іс қозғалды, деп хабарлайды Orda.kz  жергілікті басылым Ладаға сілтеме жасап.

331-бап – Ауа мен су нысандарын ластану және бітелуден қорғау жөніндегі талаптарды бұзу. 

328-бап – қоршаған ортаға әсер ету, нормалардың  бұзылуына жол беру.

Қазіргі уақытта әкімшілік айыппұл есептелінуде. Департамент Қаракөл көліне ағынды суларды ағызуды, ластаушы заттардың шекті рұқсат етілген концентрациясының рұқсат етілген нормалары мен қалалық кәріз желілеріне ағынды суларды төгу -  тазартуды қалпына келтіргенге дейін тоқтата тұру қажеттілігі туралы бұзушылықтарды жою туралы ұйғарым шығарды.

Маңғыстау облысындағы Қаракөл көлінде аққулардың жаппай қырылғаны 2023 жылдың желтоқсан айының соңында белгілі болды. Алғашында өлекселерді тексерген ғалымдар бұның себебі құс тұмауы деген қорытындыға келді.

Дегенмен квадрокоптермен түсірілген видеода қонақ үйден шыққан кәріз суының тікелей Қаракөл көліне құйылып жатқаны көрсетілген. Маңғыстау облысының жұртшылығы аққулардың жаппай қырылуына осы кәріз суының төгілуі себеп болғанына бек сенімді екендерін жазып, әлеуметтік желіні шулатты.

Сонымен қатар жергілікті тұрғын түсірген осыған ұқсаған видео Адырна ұлттық порталында да жарияланған болатын.

10 қаңтарда Қаракөл көліне құйылып жатқан кәріз ағындысында артық ластаушы заттардың шектен тыс екені  анықталып, Rixos Water World Aktau компаниясына жоспардан тыс тексеру тағайындалды. Дей тұрсақ та мамандар Маңғыстау облысындағы аққулардың қырылуына құс тұмауы себеп деуден әлі күнге дейін танар емес.