Әйгілі боксшы Жанқош Тұраров қыз зорлады деп айыпталды

Әйгілі боксшы Жанқош Тұраров қылмыс жасады деген күдікке ілінді.

Бұл туралы Алматы полиция департаменті хабарлады.

«Келіп түскен арызға байланысты Әуезов аудандық полиция Басқармасы қылмыстық іс қозғады. Сот-медициналық сараптама тағайындалды. Қазір оқиғаның толық мән-жайын анықтау үшін тергеу жүріп жатыр»,  деп хабарлады Алматы қалалық полиция департаментінің баспасөз қызметі.

Бұған дейін әлеуметтік желілерде 19 тамызда полицияға 28 жастағы әйел пәтерде жасалған қылмыс туралы өтінішпен жүгінгені туралы ақпарат тараған болатын. Полиция сот-медициналық сараптама тағайындады және оқиғаның барлық мән-жайын анықтау үшін тергеу жалғасуда.

33 жастағы Жанқош Тұраров жартылай орта салмақта кәсібилер арасында IBO нұсқасы бойынша қазіргі әлем чемпионы.