Абайлаңыз! Алматыда ұрылар үй-үйді торуылдап жүр

Алматыда үй-үйді аралап, тың тыңдап, бақылайтын ұрылар бейнекамераға түсіп қалды. 

Бейнежазба әлеуметтік желілерге тарап кетті.

Кеше түнде күдікті Уәлиханова 46 мекен-жайында орналасқан үйді торуылдады. Тұрғындар оны ұры, болмаса қылмыскер деп алаңдап отыр.

«Түнде біздің кіреберіске белгісіз біреу келді. Мүмкін ұры шығар. Әр пәтерге жақындап, үйде біреу бар-жоғын анықтамақ болды», — деді тұрғын.

Ал полицейлер ұрылардың көбіне бірінші немесе екінші қабаттағы пердесі жоқ терезелі пәтерлерді таңдайды деді. Сондай-ақ, терезелері газ құбырының, шатырдың немесе өрт сөндіру сатысының жанында орналасқан пәтерлерді таңдайтынын айтты. Үй тонайтын ұрылар ұрлық қылмас бұрын, алдын ала дайындалатын көрінеді.

Әлеуметтік желі қолданушыларының үй тонайтын ұрылар осылай үйді бақылап, пошта жәшігіне белгісіз дүние сызып кететінін айтты.

«Есікті құлыптап алыңыздар. Олар пошта жәшігіне белгілер салады. Есікке де бірнеше сандарды жазып кетуі мүмкін. Ондай жағдайды байқасаңыз, кішкентай балаларды үйде жалғыз қалдырмаңыз және ешкімге есік ашпаңыз.  Терезелерді жабыңыз.  Ешкімге сенбеңіз.  Әлем қатыгез адамдарға толы», — дейді әлеуметтік желі қолданушысы.

Сондай-ақ, бүгін Алматы күзет instagram парақшасы да үй тонамақ болған ұрылардың бейнежазбасын жариялады.