АҚШ Қазақстандағы адам құқығына 1,5 млн бөледі

Америка Құрама Штаттары (АҚШ) қызметі адам құқықтары мен бостандықтарын қорғауға бағытталған қазақстандық ұйымдарға көмектескісі келеді.

Бұл туралы Orda.kz хабарлады.

RT-дің хабарлауынша, АҚШ-тың Мемлекеттік департаменті мен АҚШ-тың Халықаралық даму агенттігі (USAID) Қазақстандағы азаматтық қоғам ұйымдарының әлеуетін нығайтуға және «адамның құқықтары мен бостандықтарын қорғауға» 1,5 млн доллар бөледі.

АҚШ Мемлекеттік департаментінің Демократия, адам құқығы және еңбек қатынастары бюросы «бірлестіктер бостандығын» дамытуға ерекше мүдделі екенін мәлімдеді.

АҚШ-тың бюджеті 750 мың доллар болатын бастамасы Қазақстанның жоғары оқу орындарындағы оқу бағдарламасын өзгертуге және жас белсенділерге қоғамдық мүдделерді қорғауға мүмкіндіктер жасауға ықпал етуі керек екендігі атап өтілген.

USAID осыған ұқсас жоспарларды - Қазақстанда «адам құқықтарын нығайту» бойынша жұмыс істеуге дайын, оған ол 800 мың доллар бөледі.