7 ақпан таңға дейін алты облыста жол қозғалысы шектелді

Қолайсыз ауа райына байланысты Қазақстанның 6 облысында бірқатар автожол учаскелерінде көлік қозғалысы уақытша тоқтатылды. Шектеулер 7 ақпан таңына дейін жалғасады, деп хабарлайды Orda.kz.      

Қозғалыс шектелген аймақтар:

• Абай және Шығыс Қазақстан облыстары (сағат 09:00-ге дейін):

Өскемен – Семей, Семей – Қайнар және Семей – Ресей Федерациясы шекарасы бағыттарындағы жолдар көліктің барлық түрі үшін жабылды.

Глубокое – Шемонаиха учаскесінде тіркемесі бар жүк көліктері қозғалысына тыйым салынды.

• Қарағанды облысы (сағат 09:00-ге дейін):

Қарағанды – Ботақара және Молодежный – Павлодар облысы шекарасы бағыттарындағы жол учаскелері барлық көлік түріне жабық.

• Павлодар облысы (сағат 08:00-ге дейін):

Қарағанды облысы шекарасына дейінгі жол учаскесі барлық көлік үшін жабылды.

Ал Астана бағытына апаратын тас жолда (Атамекен елді мекенінен бастап) автобустар мен жүк көліктерінің қозғалысы шектелді.

• Ақмола және Жамбыл облыстары (сағат 08:00-ге дейін):

Астана – Павлодар облысы шекарасы автожолында және Қордай асуын айналып өтетін жолда автобустар мен жүк көліктері қозғалысына шектеу енгізілді.

Қосымша ақпаратты тәулік бойы 1403 нөміріне хабарласу арқылы алуға болады.

Оқи отырыңыз:

• Алматыда жүргізуші рөлде келе жатып жүрегі ұстап қайтыс болды, салдарынан 5 көлік соқтығысты
• Жетісу облысындағы тас жолда болған жантүршігерлік апаттан бес адам қаза тапты
• Жамбыл облысында 68 адам қар құрсауынан құтқарылды