«500-ден асты»: Маңғыстау облысында 79 итбалықтың өлексесі табылды

Маңғыстау облысы Түпқараған ауданында өлген итбалық саны 500-ден асты, деп хабарлайды Orda.kz. 

7 қарашада тағы 79 өлген итбалық өлексесі табылды. Осылайша өлген итбалықтар саны 500-ден асты. Итбалықтың жаппай қырылуына байланысты мәлімет полицияға жолданғанымен, әзірге іс қозғалмаған.

Қызығы, теңіз жағасында тек итбалық қана емес, өлген құстар мен бекіре балықтары да табылған. 6 қарашада Алматыдан Микробиология және вирусология институты қызметкерлері үш итбалық өлексесі сынамасын алып кеткен. Зертхана нәтижесі екі аптадан соң, қарашаның аяғында белгілі болады.

Еске салайық, бұған дейін итбалықтардың жаппай қырылуының болжамды себебі айтылған еді.