4 баласын өлтірген әке өзіне өзі қол салмақ болды

Ресейдің Тверь облысында ер адам 1, 3, 5 және 7 жастағы төрт баласын өлтірді. Қайғылы жағдай сол өңірдің бір ауылында болды, деп хабарлайды Orda.kz SHOT басылысына сілтеме жасап.

Күдікті оқиға кезінде есірткіге мас болған болуы мүмкін. Дәрігерлер нақты себебін білу үшін анализ алып жатыр. Ер адам бұл қылмысты жасағанға дейін балалардың анасын бөлек бөлмеге қамап қойыпты. Қазір құзырлы орган қызметкерлері одан куәлік алып жатыр.

Қылмыстан соң күдікті өзіне ауыр жарақат салған. Қазіргі уақытта ол жансақтау бөлімінде. Полиция қызметкерлері есігінің алдында күзетте тұр.

Көршілерінің айтуынша бұрын ың-шыңсыз жүретін еркек соңғы күндері ашушаң болып кеткен. Отбасында содан жанжал туған. 

Оқиғаның барлық мән-жайын анықтау үшін тергеу жұмыстары жүргізіліп жатыр.

Төрт баласын өлтірген әке өмір бойына бас бостандығынан айырылуы мүмкін. Тергеу комитеті заңның 2-бөлігінің «а» және «б» тармақтары бойынша қылмыстық іс қозғады. Оған Ресей Федерациясының Қылмыстық кодексінің 105-бабы «Екі немесе одан да көп кәмелетке толмағандарды өлтіру» айыбы тағылды.