Жалған дауыс жинағандар 100 жаңа есім жобасынан шеттетілді

«Қазақстанның 100 жаңа есімі» жобасының ұйымдастырушылары мониторинг барысында жалған дауыс жинағандарды анықтады.

Бұл туралы Orda.kz хабарлады.

Тексеру кезінде кейбір қатысушыларға қысқа уақыт ішінде, көбінесе шетелдік IP-адрестерден берілген әдеттен тыс дауыстар ағыны байқалған. Ұйымдастырушылар ереже бұзған үміткерлердің аты-жөнін айтпады.

– Ұйымдастыру комитеті хабарландырулар туралы белгілі бір жобаға қатысушыларға дауыс беру және сол үшін сыйақы алу туралы ұсыныспен хабардар болды. Қатысушылардың мұндай әрекеттері пара алу болып саналады, - деп хабарлады жоба ұйымдастырушылары.

Жалған дауыс жинаудың тағы бір тәсілі – боттарды пайдалану. Бұған әр түрлі жасырын электронды мекен-жайлардан, мысалы, [email protected], [email protected] сайтынан алынған дауыстардың ағымы дәлел.

– Дауыс беру процесін бұзған басқа қатысушылар шаблонды электрондық пошта мекен-жайларын жаппай қолданған, бұл шын мәнінде боттардың дауысы болып саналады, - делінген хабарламада.

Бұзушылықтар мен бұрмалаушылықтар, оның ішінде онлайн-дауыс беру кезінде дауыстарды бұрмалаған жағдайлар анықталса, ұйымдастырушылардың қатысушыны жобадан шығаруға құқы бар.

– Сондықтан жобаға қатысуға өтініш берген кейбір үміткерлер жобадан шеттетілді, - дейді ұйымдастырушылар.

«Қазақстанның 100 жаңа есім» жобасына үміткерлерге дауыс беру 25 наурыз бен 12 сәуір аралығында өтті.