«100 мың әскер»: Солтүстік Корея Украинаға қарсы соғыста көмектесуі мүмкін

Солтүстік Кореяның Ресейге 100 мыңға дейін әскери қызметкерін соғысқа көмек көрсету мақсатында жібере алатынын Bloomberg агенттігі хабарлады.

Материалда солтүстіккореялық әскерилердің Украинаға қарсы қақтығыста Ресейге көмек көрсету үшін жұмылдырылатыны айтылып отыр. Бұдан бұрын, Солтүстік Кореяның 15 мың әскери қызметкерінің Курск облысына ай сайын жеткізілетіні туралы Украина елшісі Дмитрий Пономаренко айтып өткен болатын.

Ресей мен Солтүстік Корея жақында екі ел арасындағы кең ауқымды стратегиялық әріптестік келісімге келді. Келісімге сәйкес бір тарапқа қарулы шабуыл жасалған жағдайда екінші тарап дереу әскери және басқа да көмек көрсетуге міндеттенеді. Сондай-ақ, тараптар бір-біріне қарсы үшінші елдермен келісімдер жасаспау және өз аумақтарында басқа елдің егемендігін бұзуына жол бермеу туралы келіскен.