10 күннен кейін Қазақстанда суперкомпьютер іске қосылады – Мусин

«Қазақтелеком» АҚ басқарма төрағасы Бағдат Мусин 10 күннен кейін Қазақстанда суперкомпьютер іске қосылады деп мәлімдеді, деп хабарлайды Orda.kz.         

«10 күннен кейін Қазақстанда суперкомпьютер іске қосылады. NVIDIA H2000 базасындағы қуатты құрылғы. 6,7 миллион CUDA-ядросы, 1600 петафлопс және ондаған терабайт GPU жад. Мұның бәрі мемлекеттік органдарға, ұлттық компанияларға және корпоративтік тапсырыс берушілерге қолжетімді болады» деп жазды Мусин жұма  өзінің Instagram парақшасында. 

Оның айтуынша, бұл суперкомпьютердің мүмкіндіктері арқылы техногендік апаттар мен қауіп-қатерлерді олардың туындауынан бұрын модельдеуге, қалалардағы көлік қозғалысын бірнеше жыл бұрын болжауға, дәрігерлерге үлкен мәліметтер жиынтығы негізінде диагноз қоюды жеделдетуге, қазақ тілін, мәдениеті мен тарихын түсінетін ірі тілдік модельдерді оқытуға және өз жасанды интеллект өнімдерін іске қосуға мүмкіндік береді.