«Жеңістің 80 жылдығы»: Ресейдің сыртқы істер министрі Алматыға келмек

cover Фото: Сергей Гунеев/ POOL/ ТАСС

Ресейдің сыртқы істер министрі Сергей Лавров 11 сәуір күні Алматыда өтетін ТМД сыртқы істер министрлігі кеңесінің бірінші отырысына қатысады, деп хабарлайды Orda.kz. 

Бұл туралы РФ СІМ ресми өкілі Мария Захарова мәлімдеді.

«Сыртқы саяси ведомстволардың басшылары өзекті халықаралық және өңірлік тақырыптар бойынша пікір айтып, жиын өткізеді. 2025 жылғы бірігей іс-қимыл бағытын талқылайды», — деді Мария Захарова. 

Захарованың айтуынша, кездесу барысында Жеңістің 80 жылдығын тойлау жайлы әңгіме болады екен. Сондай-ақ, мәдени-гуманитарлық ынтымақтастық және шекара қауіпсіздігін нығайту мәселелеріне де ерекше назар аударылады. Министрлер 2024 жылғы орындалуы керек жұмыстарды қорытындылайды.

Жаңалықтар

барлық жаңалықтар