Жасанды интеллект министрлігі жаңа логотипін таныстырды

Жасанды интеллект және цифрлық даму министрлігі жаңа логотипін таныстырды, деп хабарлайды Orda.kz.

Бір қуантарлығы жаңа министрліктің логотипінде ұлттық орнамент — шаңырақ бейнеленген.

«Логотип Қазақстанның жоғары технологиялық әрі тұрақты цифрлық экожүйесін құруға бағытталған стратегиялық бағытын бейнелейді. Шеңбер – ұлттық мәдениет пен бірліктің негізі саналатын шаңырақты, сондай-ақ әлемдік масштаб пен планетаны білдіреді. Шеңбер ішіндегі шаршы – ұлттық AI-инфрақұрылымы өзегін құрайтын микрочип пен суперкомпьютерлік жүйелерді білдіреді. Тор – цифрлық матрицаны еске салады», — деп мәлімдеді министрлік. 

Еске сала кетсек, мемлекет басшысы Жасанды интеллект министрлігін құруды тапсырған еді.