«Жалғызсырасаң, жер өрте»: Өрт сөндірушілермен таныспақ болған әйел ұсталды

Грецияда 44 жастағы әйел өрт сөндірушілермен танысу үшін Керасика аумағында ауыл шаруашылығы жерлерін әдейі өртеді.

Бұл туралы Skai TV хабарлады.

Ол өрт қойғаннан кейін өрт сөндірушілердің келгенін күтті. Өрт сөндірушілер жабылып сөндірді, өрт көп жерді шарпып үлгермеді.

Құзырлы органдар оның бұған дейін болған екі өртке қатысы бар деп күдіктеніп отыр. Сот оны 36 айға бас бостандығынан айыру жазасына және 1000 еуро айыппұлға кесті.

Ішкі істер министрі Василис Кикилиас қазіргі заңның өте қатал екенін атап өтті. 

«Қазір заңдар бұрынғыдан да қатаң және біз мұндайға жеңіл-желпі қарауды қылмыс деп санаймыз», — деп мәлімдеді Василис Кикилиас.