Зейнетақы қорынан ақша жымқырған үш күдіктінің бірі ұсталды

Қаржы мониторингі агенттігі БЖЗҚ қаражатын жалған стоматологиялық клиникалар арқылы жымқыруды ұйымдастырды деген күдікке ілінген үш адамның бірі Аслан Дүйсеновті ұстады. Ер адам Ресей шекарасында қолға түскен, деп хабарлайды Orda.kz.

Аслан Дүйсенов өзіне тиесілі стоматология жұмыс істеп тұрғанын айтып, әлеуметтік желіде видео жариялаған болатын. Журналистер кәсіпкердің өзі бейнеүндеу жариялап, көпшілікке ашық мәлімдеме жасағанына қарамастан, ҚМА не себепті оған іздеу жариялағанын анықтауға тырысты. Аслан Дүйсенов өз кінәсін мойындамайды.

«Біріншіден, оның процессуалдық статусы күдікті. Оған сырттай айып тағылып, сот қамауға алу түріндегі бұлтартпау шарасын бекітті. Осыған байланысты іздеу жарияланды. Қазіргі уақытта күдікті ұсталып, сот санкцияны растады. Тергеу барысында оның төрт клиника ашуға қатысы бары толық дәлелденді және заңсыз әрекетпен алынған қаржылардың қанша екені де анықталды», — деп жауап берді Жеңіс Елемесов.

Дуйсенов бұрын полицей болған. 2016 жылы ол ауыр қылмыстары үшін бес жылға сотталған. Қазір алаяқтыққа қатысы бар деп айыпталды. Іс бойынша 50 адам, соның ішінде клиника жетекшілері, есепшілер, делдалдар мен басқа да қызметкерлер бар.

Алайда нақты кімнің ұсталғанын Елемесовтің өзі айтпады. Оның айтуынша, қалған екі күдікті елден шығып кеткен болуы мүмкін. Олар қайтып оралған кезде ұсталады деп жоспарланып отыр. Іздеуде жүргендер: Аслан Дүйсенов, Ғаббас Иманбаев, Есімхан Елешев.

Олар БЖЗҚ-дан 46 млрд теңгені заңсыз шығарды деген күдікке ілінді.