Владимир Зеленский: Ресей әлемді бөлуге ұмтылуда

Украина президенті Қазақстан мен Орталық Азияның басқа да елдерінің журналистеріне берген сұхбатында Ресей Федерациясымен қақтығыстың жаһандануы туралы айтты, деп хабарлайды Orda.kz.

Гүлнәр Бажкенованың әлемнің екіге бөлінуі туралы сұрағына жауап берген Владимир Зеленский былай деді:

Бұл Ресейдің қалауы. Ресей әрқашан осыны қалайды; оларға Ресейдің оқшаулануы емес, әлемді бөлу керек. Тек осылай ғана Путин Ресейдің саяси және экономикалық оқшаулануынан құтыла алады. Әлемді бүтіндей бөліп-жармақшы. Ол үшін жанжалдың нәтижесі де  маңызды емес. Сіз түсінесіз, Израиль, Палестина, Сирия, Африка, Венесуэла... Оған кімнің дұрыс, кімнің бұрыс екені мүлдем маңызды емес. Ол нәтижеге емес, процеске мән береді. Өйткені процесс болған кезде тұрақсыздық болады. Қалай болғанда да, адамдар бөлінеді. Біреулер үшін бұл қорғаныс, біреулер үшін терроризм. Біреулер үшін бұл еврей мәселесі болса, біреулер үшін мұсылмандық мәселе. Отқа май құйып отырғандар барда бәрібір дүние бірікпейді. Негізінен қару қолданбай, ядролық қарумен қорқытпай-ақ бәрін келісе беруге болады.

Барлығын келісуге болады. Ақылды адам қай кезде келіссөз жүргізуі керек? Соғыс алдында. Соғыс кезінде кім келіссөз жүргізеді? Кім күшті болса. Немен келіседі? Ультиматум. Болып жатқаны осы, неге соғысқа дейін осының бәрін қалай аяқтаймыз деген формат тапқысы келмеді. Бірақ ол ешқандай ақылға қонымды нәрсе айтқан жоқ, тек «жоқ, аумақты мойындаңыз», «жоқ, бұл менің жерім» дегеннен басқа.

Ал одан бес жыл бұрын ол (Путин) Қырымда ресейлік әскерлер жоқ деген болатын. Бұл мүлдем өтірік... Өкінішке қарай, ол әлемдегі үздіксіз қақтығыстар процесін басқаруда. Бұл әлем оған осындай мүмкіндік беріп жатқанын көрсетеді.