Білім және ғылым министрлігі Тұрсынбек Қабатовтың әзіліне жауап берді

Білім және ғылым министрлігі әзілкеш Тұрсынбек Қабатовтың министр Асхат Аймағамбетовке вакцина егу туралы әзіліне жауап берді.

Бұл туралы Orda.kz хабарлайды.

Бірнеше ай бұрын Тұрсынбек Қабатов Білім және ғылым министрлігінің басшысы Асхат Аймағамбетов неге барлық шенеуніктердің ішінен Қазақстандағы  QazVac коронавирустық вакцинасын алғандығы туралы сұрақ қойды.

– Меніңше, тамызға дейін Президент үкіметтегі барлық адамдарды жинап алып былай айтқан: біз вакцина ойлап таптық. Халықтан бастамайық, бірақ осы отырғандардың арасынан бастаймыз. Депутаттар: Жоқ, бізде жақын арада сайлау болады, үгіт-насихат жасау керек, бізде бұған уақыт жоқ. Әкімдер: бізде жылу беру маусымы бар, қыс жақындады. Біз жасай алмаймыз. Ауыл шаруашылығы министрі: жақында менде егін жиналды, мәселелер көп деп бас тартады. Олардың ішіндегі ең кішісі Аймағамбетов. Бәрі, менің ойымша, Аймағамбетовке қарап: бәрібір, балалар қазір онлайн оқиды, студенттер үйде. Сізден бастайық. Онлайн режимінде де жұмыс істей бересіз деп айтқан секілді, - дейді Тұрсынбек Қабатов.

Тұрсынбек Қабатовтың бұл видеосы TikTok-та танымал бола бастады. Бейнежазба 185 мыңнан астам қаралым және 7 мың лайк жинады.

Министрдің баспасөз хатшысы Мөлдір Әбдуәлиева неге Аймағамбетов бірінші болып вакцина алды деген сұраққа жауап берді.

– TikTok әлеуметтік желісінде министрлер арасынан Асхат Аймағамбетовтің неге бірінші болып вакцина алғаны туралы бейнежазба қаралып жатыр. Еске салайық, Мемлекет басшысы Қасым-Жомарт Тоқаев отандық QazVac вакцинасын қолдауды тапсырды және вакцина әзірлеушілер Білім және ғылым министрлігінің қызметкерлері болып табылады. Ең басынан бастап министр вакцинаның жасалуын жеке өзі қадағалады, тіпті клиникалық сынақтар өткен отандық екпені де, - деді баспасөз хатшысы.

Білім және ғылым министрлігі Асхат Аймағамбетовке бір жыл бұрын вакцина салынғанын, осы уақыт ішінде оның жанама әсерлері болмағанын атап өтті. Сондай-ақ,  министрдің бойында антиденелердің деңгейі жоғары екенін де  баса айтты.

– Айтпақшы, осы жылдың наурыз айында министр дәл осындай вакцинаның екінші дозасын қабылдады. Оның денсаулығы да тұрақты, жанама әсерлері жоқ. Білім және ғылым министрі қазақстандықтарды өздеріне қамқорлық жасауға және COVID-ке қарсы екпе салдыруға шақырады, - деді Мөлдір Әбдуәлиева.