«Украина бойынша әзірге шешім жоқ» - келіссөздер қорытындысы 

Анкориджте шағын құрамдағы келіссөздердің қорытындысы бойынша президенттердің бірлескен баспасөз конференциясы өтті, деп хабарлайды Orda.kz.

 Осы орайда біз Путин мен Трамптың мәлімдемелерінің ең бастысын теріп бергенді жөн көрдік.

Путиннің басты мәлімдемелері:

• Келіссөздер сындарлы және өзара сыйластық атмосферада өтті.

• Ресей мен АҚШ оларды мұхит бөліп тұрғанына қарамастан жақын көрші.

• Ресейлік және американдық қатынастар «қырғи-қабақ соғыстан кейінгі ең төменгі нүктеге дейін құлдырады. Сондықтан кездесу өткізу тақырыбы пісіп-жетілді».

• Украин  - біздің бауырлас халқымыз.

• Ресей «Украина қақтығысын» тоқтатуға шынайы мүдделі. Дағдарыстың барлық себептері жойылуы тиіс.

• Реттеу «Киев белгіленген прогреске кедергі келтірмейді» деп үміттенеміз.

• РФ мен АҚШ түрлі салаларда - технологиядан бастап Арктикаға дейін бір-біріне ұсыныстары бар.

• Трамп тақта отырғанда Украинада соғыс басталмас еді.

• Кейбір уағдаластықтарға қол жеткізілді.

Трамптың мәлімдемелерінің ең бастылары:

• Украина бойынша келісім әзірге жоқ.

• Трамптың Путинмен тамаша қарым-қатынасы ғана бар.

• Кейбір жағдайлар туралы келісті, басқалары шешілмеді.

• «Ең бастысы, бізде бейбітшілікке жетуге жақсы мүмкіндік бар».

• Апта сайын мыңдаған адам қаза табады, Путин бұл соғысты тоқтатқысы келеді.

• «Мен НАТО бойынша одақтастарыммен және Зеленскиймен хабарласамын».

Келіссөздер қорытындысы бойынша мәлімдемелермен ғана шектеліп, президенттер журналистердің сұрақтарына жауап бермей, баспасөз конференциясын аяқтады.

Путин келесі кездесуді Мәскеуде өткізуді ұсынды. РФ президентінің АҚШ-қа жұмыс сапары бес сағаттан астам уақытқа созылды.

Украина бойынша келіссөз жүргізу үшін  Путин мен Трамп Анкориджте кездесті.