ҰҚК заңсыз контрабандамен айналысты деген 18 шетелдікті ұстады

Қазақстанның Ұлттық қауіпсіздік комитеті наурыз айында алтын құрамды құм мен «синтетикалық» есірткі жасауға арналған шикізат контрабандасын тоқтатты, деп хабарлайды Orda.kz  ведомствоның баспасөз қызметіне сілтеп.

«ҰҚК Шекара қызметі наурыз айында заңсыз көші-қонға, контрабандаға және мемлекеттік шекара арқылы есірткі таратуға қарсы бірқатар іс-шаралар жүргізді. Мәселен, Ақтөбе облысында жүк көлігінің тіркемесінде жасырын түрде өткізу пунктінен өтпек болған он сегіз шетелдік анықталды. Солтүстік Қазақстан облысында «синтетикалық есірткілер» өндіруге арналған көлемі 5100 литр болатын прекурсорлардың ірі партиясы табылды» деп жазылған хабарламада. 

Хабарламада атап өтілгендей, жыл басынан бері жалпы көлемі 9620 литр химиялық заттардың («тұз қышқылы», «ацетон», «фениппентан») және 1000 келі «бромкетон-4» тасымалының жолы кесілген. Осы шаралардың нәтижесінде аталған прекурсорлардың түпкі алушылары анықталып, есірткі зертханалары жойылды.

«Сонымен қатар, Жамбыл облысында шекарашылар шетелге жалпы құны 1 млрд теңге болатын 160 тонна кен мен бағалы металдар концентраттарын (алтын құрамды құм) заңсыз шығарудың жолын кесті. Аталған фактілер бойынша материалдар процессуалдық шешім қабылдау үшін тиісті органдарға жолданды» деп жазылған хабарламада. 

Оқи отырыңыз:

• «8 келі синтетикалық есірткі алған сәтінде ұсталды». ҰҚК халықаралық есірткі контрабандасы арнасын жойды
• Иран АҚШ шарттарын қабылдамаса Трамп елді «тозаққа айналдырмақшы»
• Ораза айттың қазақ дәстүріндегі орны мен мәні