ҰҚК Алматы облысында екі тәртіп сақшысын ұстады

Алматы облысы Қарасай ауданында екі учаскелік полицей сыбайлас жемқорлық күдігімен ұсталды. Бұл туралы Orda.kz дереккөздері хабарлады.

Алдын ала мәлімет бойынша, аталған тәртіп сақшыларына пара алу дерегі бойынша күдік келтірілген. Қазір бұл іс бойынша тергеу амалдары жүргізіліп жатыр.

Ұсталған полицейлер уақытша ұстау изоляторында қамауда отыр. Тергеуді Сыбайлас жемқорлыққа қарсы іс-қимыл агенттігінің Ұлттық қауіпсіздік комитеті жанындағы департаменті жүргізуде.

Orda.kz бұл жайтқа байланысты ҰҚК-не ресми сауал жолдап, жауап күтіп отыр.

Еске салайық, бұған дейін Алматыда бұрынғы тергеуші есірткімен ұсталған еді. Тінту кезінде одан үш жарым келіге жуық тыйым салынған зат пен қызметтік куәлік табылған болатын.