«Туыстары дәрігерлерді кінәлап отыр»: Шымкентте жас келіншек босанғаннан кейін қайтыс болды
Фото: Зарина Сұлтанның туыстары ұсынған сурет
Шымкентте 28 жастағы Зарина Сұлтан босанғаннан кейін көз жұмды. Марқұмның туыстары оның өлімі № 1 қалалық перзентхана дәрігерлерінің немқұрайлылығынан болды деп есептейді, деп хабарлайды Orda.kz.
Зарина 20 тамыз күні босанып, дүниеге ұл бала әкелген. Басында оның жағдайы жақсы болыпты. Біраз уақыттан кейін келіншектің қызуы көтеріледі. Дәрігерлер инъекция салған. Осыдан кейін жас ананың жүрегі үш рет тоқтап қалған.
Марқұмның туыстары алғашқы көмек уақытында көрсетілмегеніне наразы.
Дәрігерлер Заринаның туытсарына: «Сіздер қол қойсаңыздар да, қоймасаңыздар да, біз жатырды аламыз. Біз Алматы, Астанадағы дәрігерлермен Zoom арқылы сөйлесіп отырмыз. Олар жатырды алыңыздар деп айтты» деген.
Босанғаннан кейін жансақтау бөлімінде жатқан жас ана бір айдан кейін қайтыс болды. Оның артында күйеуі мен екі ұлы қалды. Енді оның отбасы сол ауысымда кезекші болған барлық дәрігерлерді жазалауды талап етеді.
«Біз дәрігерлердің қызымның өлімі үшін жауап бергенін қалаймыз. Мұндай жағдай қайталанбайтынына кім кепілдік береді?!», – дейді Заринаның анасы Нышангүл Тулеева.
Қазір полиция әйелдің қайтыс болу жағдайын анықтап жатыр. Ал перзентхана орталығындағы дәрігерлер қолдан келгеннің бәрін жасады деп мәлімдеді.
«Біздің мамандар науқастың өмірі үшін соңына дейін күресті. Барлық әрекеттер клиникалық хаттамаларға сәйкес келді. Қазір қызметтік тексеру жүріп жатыр. Қорытынды сот-медициналық сараптама нәтижелерінен кейін анық болады», – деді бас дәрігердің орынбасары Ақмарал Махашева.
Зарина Сұлтанның өзі де Алматыдағы медициналық университетті бітірген, дәрігер болып жұмыс істеген екен. Жақында ғана олар жаңа үйге көшкен. Бірақ ол үйде қоныс тойдың орнына оның жерлеу рәсімі өтті.
Айта кетейік, 9 қазан күні Павлодарда ер адам отбасын өрттен құтқарып, өзі ажал құшты.
Жаңалықтар
- Батырхан Төлеуғали жастар арасында таеквондодан әлем чемпионы атанды
- Жолдарда полиция бірнеше есе көбейді
- Лисаковскідегі бала зорлағыш өмірінің соңына дейін түрмеге тоғытылды
- Жағармай үшін өмірін жақты: Әскери бөлім қоймасының меңгерушісі тоғыз жылға сотталды
- Алматы облысындағы Нарынқол шекара бекетінде әскери қызметші мен баласы қаза тапты
- ТЖМ еліміздің оңтүстігіндегі жер сілкінісінен кейін нысандар мен ғимараттарды тексерді
- Бас прокуратура алаяқтардың жаңа «әдісі» туралы ескертті
- Алматы кәуапханаларында экологиялық және санитарлық бұзушылықтар анықталды
- Стоматологиядағы бала өліміне қайталама наркоз бен ескерілмеген препараттар себеп болуы мүмкін — сарапшы
- БЖЗҚ нарықты шайқады: жарты триллион теңгеге жуық аударым баспана бағасын шарықтатып жіберді
- Әлем чемпионаты: 2026 жылдың топтық кезеңі белгілі болды
- Тоқаев Қырғызстан президентімен телефон арқылы сөйлесіп, туған күнімен құттықтады
- 2026 жылдан бастап мемлекеттік сатып алуда ҚҚС қалай жұмыс істейді
- Ақмола облысында автобус пен экскаватор соқтығысып қалды, зардап шеккендер бар
- Қазақстан енді ақбөкен мүйіздерін заңды түрде экспорттай алады
- Қазақстанда шетелдіктерге ЖСН беру тоқтатылды
- 2026 жылғы Қысқы Олимпиада ойындарының алауы Римде жағылды
- Елімізде бизнесмендер үшін жоспарлы салық тексерістері алынып тасталды
- Дәулет Тұрлыханов Қазақ күресі федерациясының басшысы қызметінен кетті
- Еріктілік туралы: Тоқаев БҰҰ Бас Ассамблеясының арнайы сессиясында сөз сөйледі
