Төреғали Төреәлі жұртты алдады

Атышулы Төреғали Төреәлі Алматыдағы арбат көшесінде қарапайым ақсақал болып киініп алып, гитарамен ән айтты.

Әнші бұл видеосы  instagram парақшасына жариялады.

Ол «Бір өлең айтсам бола ма?» деп көшеде ән айтып тұрған қыздың гитарасын сұрап алып, бірнеше ән орындайды. Ақсақалдың образына кіріп арасында «рахмет, айналайындар!» деп айтты. 

Ән орындап болған соң, жапсырылған жасанды сақалын алып тастады. Бұл сол көше бойындағы халықтың көңілін көтеріп тастаған эксперимент болды.

Еске сала кетейік, атышулы әнші бұған дейін адам ұрғаны үшін және есірткіге мас болып көлік жүргізгені үшін ұсталған болатын. Жақында ғана ол қазақ полициясына арнап ән шығарды.

Сондай-ақ, оның Павлодардағы ақсақалға айтқан «шығып кетсін бе, ағайын?» деген сөзі біраз уақыт жұрттың аузынан түспеген еді. Төреғали Төреәлінің 2018 жылы шыққан жұлдыздық дертке шалдыққанын, артынша қайта ес жиғанын көрсеткен «Ұлы дала комедиясы» атты фильмі жұрттың көзайымына айналды.