Тоқаев қазақстандықтарды Конституция күнімен құттықтады

Қасым-Жомарт Тоқаев ел азаматтарын Конституция күнімен құттықтады, деп хабарлайды Orda.kz.

Мемлекет басшысы өз сөзінде осыдан тура 30 жыл бұрын қазақстандықтар референдумда еліміздің Ата заңын қабылдап, тарихи таңдау жасағанын атап өтті.

«Конституция қазақ мемлекеттілігінің, Қазақстан Республикасы Тәуелсіздігінің берік тірегіне айналды. Конституцияда ұлттың бүгіні мен болашағын айқындайтын құндылықтар мен қағидаттар көрініс тапты.
Конституция Қазақстанның этникалық және діни қатыстылығына қарамастан барлық азаматтардың мүдделері қызметінде тұрған әлеуметтік бағдарланған мемлекет ретіндегі құқықтық іргетасын қалыптастырды. Конституция қоғамдық келісім мен ішкі тұрақтылықтың сенімді кепілі болды. Біздің түрлі салалардағы барлық жетістіктеріміз Конституциямен тығыз байланысты». 

 Тоқаев үш жыл бұрын жүргізілген ауқымды конституциялық реформаға жеке тоқталды. Ол оның нәтижесі «мықты президент - ықпалды парламент - есеп беретін үкімет» тұжырымдамасы негізінде саяси жүйені жаңғырту болғанын атап өтті.

«Реформа барысында адам құқықтарын қорғауға, заң мен тәртіптің үстемдігін бекітуге ерекше көңіл бөлінді. Конституцияның бiрқатар жаңа ережелерi инновациялық сипатта және әлемдiк практикада прецеденттер жоқ. Әділ, Таза, Мықты және Қауіпсіз Қазақстан құру Конституцияны құрметтеуді, еліміздің азаматтарының оның барлық ережелерін мүлтіксіз сақтауын білдіреді», - деп атап өтті Президент.

Мемлекет басшысы Конституция елдің дамуы мен өркендеуі жолындағы жасампаз еңбек үшін жағдай жасай отырып, ұлтты стратегиялық мақсаттар төңірегінде біріктіретінін атап өтті. Ол барлық азаматтарға мықты денсаулық пен бақ-береке тіледі.