Тоқаев Еуразиялық экономикалық комиссияның бес өкілін марапаттады

Қазақстан президенті Қасым-Жомарт Тоқаев Еуразиялық экономикалық комиссияның (ЕЭК) бес өкілін марапаттады.

Бұл туралы Еуразиялық экономикалық одақтың (ЕАЭО) ұлттықтан жоғары реттеушісінің баспасөз қызметі хабарлады.

«Қазақстан Республикасы Президентінің Жарлығымен  2021 жылғы 2 желтоқсаннан бастап ЕЭК өкілдері Қазақстан Республикасының мемлекеттік наградаларымен марапатталады» делінген хабарламада.

Елдің әлеуметтік-экономикалық дамуына, халықтар арасындағы достық пен ынтымақтастықты нығайтуға қосқан елеулі үлесі үшін ЕЭК Бәсекелестік және монополияға қарсы реттеу министрі Арман Шаққалиев «Құрмет» орденімен марапатталды.

«Ерен еңбегі үшін» медалімен ЕЭК Бәсекелестік және монополияға қарсы реттеу министрі хатшылығының басшысы Ілияс Ыбраев пен ЕЭК Техникалық реттеу және аккредиттеу департаментінің директоры Тимур Нұрашев марапатталды.

Қазақстан Республикасының Құрмет грамотасымен ЕЭК Хаттама және ұйымдық қамтамасыз ету департаменті директорының орынбасары Данияр Жақсылық және ЕЭК Ішкі нарықтар департаменті директорының орынбасары Қуаныш Елікбаев марапатталды.