Таяу Шығыстан 10 мыңнан астам қазақстандық елге оралды

Таяу Шығыстан 10 мыңнан астам қазақстандық 61 рейспен эвакуацияланды, деп хабарлайды Orda.kz көлік министрлігінің баспасөз қызметіне сілтеп.

«Эскалация басталғалы бері өңір елдерінен Қазақстанға 61 рейс орындалып, олармен 10 033 жолаушы жеткізілді. Рейстерді Air Astana, SCAT, FlyDubai және Air Arabia әуе компаниялары Дубай, Шарджа, Джидда, Медина және Маскат қалаларынан Алматы, Астана, Атырау, Ақтау және Шымкент қалаларына орындап жатыр» деп жазылған хабарламада. 

Ведомствоның атап өтуінше, азаматтық авиация комитеті басқа мемлекеттік органдармен, сондай-ақ қазақстандық және шетелдік әуе компанияларымен бірлесіп, Таяу Шығыс елдерінен Қазақстан азаматтарын елге қайтаруды ұйымдастыруды жалғастырып жатыр.

Еске салсақ, Қазақстанның сыртқы істер министрлігі Таяу Шығыс елдеріндегі қауіпті жағдайға қарамастан сол жақтарға сапарлауға әрекеттеніп жатқан қазақстандықтар бар екенін айтып, ескерту жасады. 

Министрлік Қазақстан азаматтарына арналған нұсқаулықты жариялап, Бахрейн, Мысыр, Израиль, Йемен, Иордания, Ирак, Иран, Қатар, Сауд Арабиясы, Кувейт, Ливан, Бірікке Араб Әмірліктері, Оман және Сирияға барудан бас тартуға шақырды. 

Оқи отырыңыз:

• ҚР СІМ Таяу Шығыс елдеріне сапарламау туралы ескерту жасады
• Уиткофф: Ресей Иранға барлау деректерін бермегенін мәлімдеді
• Тоқаев: Әлемде соғыс қаупі күшейді, Қазақстан теңгерімді сыртқы саясат жүргізеді