Тағы бір қазақ UFC-де өнер көрсететін болады

Қытайлық күрескер Сайран Нұрданбек (19-6) 22 мамырда Лас-Вегаста өтетін UFC турнирінде дебютін өткізеді.

Ақпарат Vesti.kz сайтында жарияланды, деп хабарлайды Orda.kz.

26 жастағы жартылай жеңіл салмақтағы күрескер UFC-ге сәуір айының басында келген болатын. Жігітті промоушнге алады деген сөздер былтыр ақпан айында айтылған. Спортшының бірінші қарсыласы австралиялық Джошуа Кулибао (8-1-1). Австралиялық спортшы бұған дейін екі рет UFC рингіне шыққан.

Нұрданбек өзінің кәсіби мансабын 2016 жылдың мамыр айында бастаған. Төрт жекпе-жекте жеңіске жеткен. Бірақ содан кейін сабмишен қатарынан екі жекпе-жекте жеңілді. Одан кейін Сайранда бірнеше жекпе-жек болды. Бірте-бірте Қытайда Нұрданбек деген атпен ешкім білмейтін күрескер жоғары көтеріліп, танымал бола бастады.

Айта кетсек, 22 мамырда өтетін турнир ұйымның бұрынғы чемпионы Коди Гарбрандт (12-3) пен басқа американдық Роб Фонт (18-4) арасында жеңіл салмақтағы жекпе-жек өткізеді. Сондай-ақ, бұл іс - шарада қазақстандық Жалғас Жұмағұловтың (13-5) бұрынғы қарсыласы - Бразилиядан келген Раулиан Пайва (20-3) өнер көрсетеді.