Шымкентте жалған полицейлер ұсталды

Үш ер адам күш қолданып, қала тұрғынынан ірі көлемде ақша алып кеткен. Олар өздерін полиция қызметкері ретінде таныстырып, үнемі ақша бопсалап, «қорғау» үшін ақы талап етті.

Бұл туралы Ішкі істер министрлігі хабарлайды.

Ұсталғандардың бірінде полиция қызметкерінің жалған куәлігі бар екені анықталды, ол азамат бұрын алаяқтық жасағаны үшін сотталған.

«Мұндай әрекеттер қызметтік міндеттерін адал атқаратын ішкі істер органы қызметкерлерінің беделін түсіреді. Сондықтан мұндай фактілердің қатаң түрде жолын кесу керек. Олардың барлығы уақытша ұстау изоляторына қамалды» деп хабарлады ІІМ.

Бопсалау, тонау және билік өкілі атағын рұқсатсыз алу фактілері бойынша қылмыстық іс қозғалды. Күдіктілер 10 жылға дейін бас бостандығынан айырылуы мүмкін.