Шымкентте 22 адам белгісіз сұйықтықтан уланды

Жолға белгісіз сұйықтық төгілгеннен кейін 22 адам медициналық көмекке жүгінген.

Бұл туралы 24.kz хабарлайды.

Зардап шеккендердің айтуынша, олар жол жиегінде тұрған жүк көлігінің жанынан өткенде  одан жағымсыз газ иісі бар белгісіз сары сұйықтық төгілгенін көрген. Одан кейін олар тұншығу, тамақ ауруы және жүрек айну белгілерімен ауруханаға жүгінген.

Төтенше жағдайлар министрлігі ағып кетуді жөндеп қойған. Көлік елді мекендерден қауіпсіз қашықтыққа қойылды. Жүргізуші бөшкеде не бар екенін білмеймін деп отыр.

Экология департаменті ауа сынамаларын алып, аммиак, пропан, метан және мұнай көмірсутектерінің артық мөлшерін тіркеді. Қазір зертхана оның қандай сұйықтық екенін анықтап жатыр.