ШҚО-да үйшікке байлап, тірідей өртеген күшік табылды

Өскеменде жолдың шетінде отқа оранған күшік табылды, деп хабарлайды Orda.kz.

Бұқтырма тас жолының бойында зооқорғаушылар жол жиегінен өртеніп өлген күшікті тапты.

«Қатыгездікпен, кәсіби қылмыскердей аса қатыгездікпен істеген: итті үйшікке байлап, есігін жастықпен жапқан», — дейді автор бейнежазбада.

ШҚО полиция департаментінің баспасөз қызметі жануарларға қатыгездік жасау фактісі бойынша қылмыстық іс ашылғанын хабарлады. Тергеу шаралары жүргізіліп жатыр.

Қазақы тұқымды иттер мейрамы 3 қыркүйекте аталып өтеді. Халықаралық кинология федерациясы (FCI) тазыны ресми тұқым ретінде мойындап, Қазақстанды оның стандартын сақтау құқығына ие етіп бекіткен.