Семейде шыршадан құлаған мұғалімнің ісі бойынша тың дерек шықты

Семейде шыршаны безендіру кезінде биіктен құлаған мұғалімнің ісі бойынша тексеру аяқталды, деп хабарлайды Orda.kz. 

Бұл туралы еңбек инспекциясы мәлімет таратты. Жұмыс берушінің кінәсі 100% дәлелденді.

Енді жұмыс беруші зардап шеккен мұғалімге ем алып жатқан кездегі жалақысын толық көлемде төлеуге міндеттеледі. Сонымен қатар ақылы түрде жүргізілген емнің барлық шығындарын өтейді. 

Іс материалдары полицияға жіберілді. Жұмыс беруші еңбек қауіпсіздігі ережелерін бұзғаны үшін жауапқа тартылады.

Еске салайық, жаңа жыл мерекесі қарсаңында шырша безендіруге заңсыз тартылған 3 мұғалімнің бірі биіктен құлап, зардап шеккен еді. Осы оқиғадан кейін Семейдегі білім бөлімінің бастығы қызметінен қуылды, ал директорлар сөгіс алды.  Мұғалімнің әйелі күйеуінің мүддесін қорғап, жұмысқа заңсыз шақырылғанын, ол үшін ешқандай ақы алмағананын айтқан болатын.