Сағатына 240 шақырым жылдамдықпен соққан жел үйлердің шатырын жұлып әкетті

«Берилл» дауылы 5-дәрежедеге  дейін күшейіп, Кариб теңізіндегі кемелер суға кетті.

Бұл туралы  Гренада премьер-министрі Дикон Митчелл хабарлады.

«Берилл» дауылы жарты сағаттың ішінде Карриаку аралын шәйқап кетті. Онда желдің жылдамдығы 240 км/сағ болды. Бір адам қаза тапты. 

 «Берил Шығыс Кариб теңізіндегі 5-санаттағы апатты дауылға айналуда. Осы аптаның соңында Ямайкада өмірге қауіп төндіретін жел мен дауыл соғуы мүмкін» делінген министр баяндамасында.

Премьер-министр әлеуметтік желіде Карриаку мен Пети Мартиника аралына гуманитарлық көмек жеткізу үшін жұмыс істеп жатқанын айтты. 

«Төтенше жағдай әлі де күшінде. Үйде болыңыз» деп жазды министр әлеуметтік желіде.