Риддердегі өрттің салдарын жоюға 557,5 млн бөлінді

ҚР Премьер-Министрі Асқар Мамин Риддер қаласына барды. Үкімет басшысы 10 мамырда өрттен зардап шеккен қала тұрғындарымен кездесіп, зардап шеккендерге арналған тұрғын үй құрылысын тексерді.

Бұл туралы Orda.kz  премьер-министрдің сайтына сілтеме жасап хабарлады.

– Президент Қасым-Жомарт Тоқаевтың тапсырмасы бойынша Риддердегі өрттен зардап шеккен барлық отбасыларға қысқа мерзімде жаңа тұрғын үй беріледі. Үкімет пен Шығыс Қазақстан облысының әкімдігі берілген тапсырмаларды орындау үшін барлық қажетті шараларды қабылдады, - деді Асқар Мамин.

Өрттен зардап шеккен отбасыларға арналған 30 жаңа тұрғын үйдің құрылысы төтенше жағдайлардың салдарын жоюға қарастырылған үкіметтің резерві есебінен жаңа «Ботаниканың үшінші тұрғын ауданында» жүргізілуде. Риддердегі өрт салдарын жоюға 557,5 млн теңге бөлінді.

Әр үйдің ауданы 80 шаршы метр, ал жеке телімі - 10 сотық жер болды. Құрылыс жұмыстарын «ОблШығысЖол», «ВК Инвест Компани», QK Sunqar, «Востоквзрывпром», «Казпрофстрой» холдингі жүргізуде. Үйлердің құрылысын аяқтау 15 тамызға жоспарланған. Олар жаңа ықшамауданды барлық қажетті инженерлік-коммуникациялық инфрақұрылыммен қамтамасыз етуге уәде берді.

Еске салсақ, 10 мамырда өрт Риддер орман шаруашылығы кәсіпорнының орталық орман шаруашылығында басталды. Лесхоз ауылына өртеніп жатқан орманнан тараған өрт 30-дан астам үйге залал келтірді. 73 жастағы зейнеткер қайтыс болды. Полиция өртке кінәлі күдіктіні ұстады.