Реалити-шоуда жеңіске жетсеңіз, америкалық азамат атанасыз

АҚШ билігі мигранттарға арналған тележоба идеясын талқылап жатыр, бұл туралы Orda.kz BILD-ге сілтеме жасай отырып  хабарлайды.

Дональд Трамп әкімшілігі  мигранттар жеңіс құрметіне Америка азаматтығын ала алатын реалити-шоу жасау мүмкіндігін қарастырып жатыр.

Бағдарламаға қатысушылар олардың қайсысы нағыз «америкалық» екенін дәлелдеуге тиіс болады. Тапсырмаларға, мысалы, алтын іздеуден бастап,  ескі Ford автомобилін құрастыру кіруі де мүмкін. Әр апта сайын бір адам сайыстан шығып отырады.

«Бұл мигранттар үшін аштық ойындары емес. Біз: «Жеңілсеңіз, қайыққа қайта оралыңыз», - дегенді айтпаймыз  деп әзілдеді реалити-шоу идеясының авторы Роб Варсофф.  

АҚШ Ішкі қауіпсіздік департаменті жобаны «патриотизм мен азаматтық жауапкершілікті жандандыру» мүмкіндігі ретінде қарастырып отыр. Реалити-шоу ұғымына «Америка азаматтығының артықшылығы қандай болатынын сезіну» кіреді.

Бір кездері реалити-шоуға өзі қатысқан Дональд Трамп заңсыз көші-қонға қатысты қатаң саясат жүргізеді. Ол жаппай жер аударуға, баспана беру шарттарын қатайтуға және туған жері бойынша азаматтық құқығын шектеуге ұмтылады.

Сәуір айының басында АҚШ президенті Дональд Трамп бай шетелдік инвесторлар Америка азаматтығын алу үшін сатып  алатын «алтын картаның» дизайны қандай екенін көрсетті.

Америка президенті 10 мамырда жаңа көші-қон бастамасы - заңсыз көшіп-қонушыларға арналған елден өз еркімен кету бағдарламасын жүзеге асыратын жарлыққа қол қойды.

Сонымен қатар мамыр айының басында АҚШ-та заңсыз жүрген қазақстандықтар Өзбекстанға жөнелтілді.

Биылғы ақпан айында АҚШ-тан алғашқы мигранттар Коста-Рикаға депортацияланды. Арасында  қазақстандықтар бар екені белгілі болды.