Премьер-министр Тоқаевқа су тасқыны жағдайы туралы үнемі хабар беріп отыр

cover Фото: gov.kz

Премьер-Министр, Су тасқынына қарсы іс-шараларды үйлестіру және су тасқыны кезеңі зардаптарын жою жөніндегі республикалық штабтың жетекшісі Олжас Бектенов Мемлекет басшысы Қасым-Жомарт Тоқаевты елдегі су тасқыны жағдайы және оны тұрақтандыру бойынша қабылданып жатқан шаралар туралы үнемі хабардар етіп отыр,  деп хабарлайды Orda.kz UKIMET Telegram арнасына сілтеме жасап.

5 сәуірде Мемлекет басшысының тапсырмасы бойынша Олжас Бектенов Ақтөбе және Шығыс Қазақстан облыстарына барды, сондай-ақ облыстық штаб басшыларының қатысуымен су тасқынына қарсы іс-шараларды үйлестіру және су тасқыны зардаптарын жою жөніндегі республикалық штаб отырысын өткізді.

Премьер-Министрдің тапсырмасы бойынша Премьер-Министрдің орынбасары – Республикалық штаб басшысының орынбасары Қанат Бозымбаев Атырау облысына, Төтенше жағдайлар министрі Шыңғыс Әрінов Қостанай облысына жол тартты. Алда су тасқыны жағдайын тұрақтандыру бойынша жергілікті жұмыстарды үйлестіру міндеті тұр.

Жаңалықтар

барлық жаңалықтар