Полицияның қозғаған қылмыстық іс заңсыз – Жанна Оразбақова

Адвокат Жанна Оразбақова өзіне қатысты қылмыстық іс туралы мәлімдеме жасады. Ол Алматы полициясы оны Лилия Аношинa мен Татьяна Беловаға қатысты істің құпиясын ашты деп айыптап жатқанын айтты, деп хабарлайды Orda.kz.

Бұл туралы ол өзінің Instagram парақшасында хабарлады.

Бұл істе кәсіпкерлер Лихачев пен Белович шағымданушылар ретінде көрсетілген. Алайда адвокаттың сөзінше, аталған іс бойынша басқа да ақпарат тарап жатыр.

«Алматы полициясының қозғаған қылмыстық ісі заңсыз. Мен бұл іспен мүлдем танысқан жоқпын. Сондықтан ол туралы мәлімет таратуым мүмкін емес. Тергеу әлі жүріп жатыр. Ең бастысы, мен тергеу құпиясын ашпау туралы қолхатқа қол қойған жоқпын. Қолхатсыз ешкім мені күдікті ретінде тануға құқы жоқ», — деп мәлімдеді адвокат.

Сонымен қатар, Оразбақова бұл істің прокуратураға шағым түсіру арқылы шешілетінін және өз құқықтарын қорғауды жалғастыратынын айтты:

«Біз прокуратураға қылмыстық істің заңсыз тіркелгені туралы шағым дайындап жатырмыз. Мен бұл істі қорғаушылардың жұмысын шектеуге бағытталған әрекет деп санаймын. Әсіресе, адвокаттарды істен шеттету мақсатында жасалған» деп жазды ол.